Xaçmazda futbol idman növü üzrə ustad dərsləri keçirilib. Bu haqda ShimalNews 20 avqust tarixndə məlumat verir.
Olimpiya İdman Kompleksində baş tutan tədbirdə 38 nəfər futbolçu iştirak edib. Ölkə kubokunun və superkubokunun qalibi, Xaçmaz UGİŞM-in məşqçi-müəllimi Tural Cəlilov iştirakçılara futbolun yaranması dövrdən başlayaraq indiki dövrə qədər baş verən dəyişikliklər haqqında ümumi məlumat verib.
Daha sonra bir neçə taktiki variant üzrə oyunçuların meydanda düzülüşü, komanda azlıqda qaldığı təqdirdə bir-birini sığortalama, süni oyundankənar vəziyyətin yaradılması kimi futbol elementləri məşqçi tərəfindən izah edilmiş və futbolçular praktik olaraq tapşırıqları yerinə yetiriblər.
