Xaçmazda regional voleybol yarışı keçirilir. Bu haqda ShimalNews 22 iyun tarixində məlumat verir.
Heydər Əliyevin anadan olmasının 101 illiyinə həsr edilən və yeniyetmə qızlar və oğlanlar arasında təşkil edilən çempiontda 14 komanda mübarizə aparır. Olimpiya İdman Kompleksində keçirilən ikinci turun oyunlarında “Xaçmaz” “Sumqayıt”la, “Quba” isə “Siyəzən” kollektivi ilə qarşılaşıb.
Qaydalara uyğun olaraq, turnir cədvəlində ilk 4 yeri tutan komandalar pley-off mərhələsinə vəsiqə qazanacaqlar. Bu mərhələnin qarşılaşmalarında qalib gələnlər çempion adı uğrunda, məğlub olanlar isə bürünc medallar üçün yarışacaqlar.
Regional voleybol yarışı noyabr ayında başa çatacaq.
