Xaçmaz rayonunda futbol idman növü üzrə ustad dərsləri keçirilib.
ShimalNews xəbər verir ki, tədbirdə 38 nəfər futbolçu iştirak etmişdir. Onlara futbolun yaranması və indiki dövrə qədər baş verən dəyişikliklər haqqında ümumi məlumat verilib.
Ustad dərsləri Olimpiya İdman Kompleksində Quba-Xaçmaz Regional Gənclər və İdman İdarəsinin təşkilatçılığı baş tutub. Ölkə kubokunun və superkubokunun qalibi, Xaçmaz UGİŞM-in məşqçi-müəllimi Tural Cəlilov uşaq, yeniyetmə və gənc futbolçular təlim keçirib.
Daha sonra isinmə hərəkətləri yerinə yetirilib və məşqçi-müəllim yetirmələrinə bir neçə taktiki variant üzrə meydanda oyunçuların düzülüşü, komanda azlıqda qaldığı təqdirdə bir-birini sığortalama, süni oyundankənar vəziyyətin yaradılması kimi futbol elementləri məşqçi tərəfindən izah edilmiş və futbolçular praktik olaraq tapşırıqları yerinə yetirilib.
