"Şahdağ Qusar"ın veteran futbolçusu 55 yaşlı Şərafədin Məmmədov vəfat edib.
Shimal.News məlumat verir ki, mərhum beynindəki onkoloji xəstəlikdən əziyyət çəkirdi.
Şərafəddin Məmmədov futbolçu karyerasını 2000-ci ildə başa vuraraq, məşqçi kimi işə başlayıb. 2009-cu ildə qısa müddət "Şahdağ Qusar"ın baş məşqçisi olub, daha sonra Qusar Uşaq Gənclər İdman Şahmat Məktəbində (UGİŞM) uşaq futbolu məşqçisi kimi çalışıb. Onun yetirmələri Namik Ələskərov "Sabah"da, Slavik Alxasov "Turan Tovuz"da, Arsen Ağcabəyov isə "Şamaxı"da forma geyinib.
