Xaçmaz rayonunda "Üzməyi öyrənək" layihəsi çərçivəsində yarış keçirilib. Bu barədə ShimalNews 17 iyun tarixində məlumat verir.
Xaçmaz Olimpiya İdman Kompleksində I-V siniflərdə oxuyan 38 nəfər şagird üzgüçülük idman növü üzrə yarışıb. Qaliblər Gənclər və İdman Nazirliyinin sertifikatları və müvafiq dərəcəli diplomları ilə təltif ediliblər.
Bundan öncə məktəblilər üçün 1 ay ərzində həftədə 4 dəfə olmaqla təlim-məşqlər təşkil olunmuşdur. Məqsəd isə bu idman növünə marağın artırılması və rayonda inkişaf etdirilməsidir.
