Quba şəhərində kros qaçışı üzrə ölkə yaz çempionatı keçirilib. Bu haqda ShimalNews 8 aprel tarixində məlumat əldə edib.
Aprelin 6-sı və 7-si “İdman Paytaxtı” Quba şəhərində Quba, Qusar, Xaçmaz, İsmayıllı, Xızı, Şabran, Siyəzən, Bakı, Gəncə, Naxçıvan, Sumqayıt, Beyləqan, Bərdə, Gədəbəy və Naftalandan 200-dən artıq atlet gücünü sınayıb.
Kişilər arasında 10 km məsafəyə qaçışda Bərdə təmsilçisi Bəxtiyar Əsgərli ölkə çempionu olub. 6 km məsafədə Valeri Qrubskiy (İsmayıllı) qalib olub. 2 km-də Naxçıvan təmsilçisi Namiq Babayev, 3 km-də isə Gəncə atleti İsgəndər Əsgərov fəxri kürsünün ən yüksək pilləsinə qalxıblar.
Qadınlar arasında 6 km məsafəyə qaçışda Anna Yusupova bütün rəqiblərini geridə qoyaraq birinci olub. 4 km-də Leyla Abduləzizova, 1 km və 2 km məsafələrdə isə paytaxt təmsilçiləri Nila Heydərova və İlahə Quliyeva yarışın qalibi adını qazanıblar.
