Xaçmaz rayonunda cüdo idman növü üzrə Şimal regionunun açıq turniri keçirilib. Bu haqda ShimalNews 2 avqust tarixində məlumat verir.
Nabran turniri Gənclər və İdman Nazirliyinin (Gİİ) yaranmasının 30-cu ildönümünə həsr edilib. Açılış mərasimində regional Gİİ-nin rəisi Nəcəf Novruzov çıxış edib. O, cüdo idman növünün ölkəmizdə böyük populyarlıq qazandığını, beynəlxalq arenalarda cüdoçularımızın uğurlu çıxışlarından danışıb.
Yarışda ümumilikdə 25 komandanın heyətində 271 cüdoçu iştirak edib. Qarşılaşmalar gərgin, güzəştsiz idman mübarizəsi şəraitində və coşqulu azarkeş dəstəyi ilə keçib.
Turnirin yekunlarına görə, mükafatçılar aşağıdakı kimi sıralanıblar:
2008-2010-cu il təvəllüdlülər üzrə:
1-ci yer - "Sumqayıt" Cudo İdman Klubu;
2-ci yer - "Mərdəkan" Cüdo İdman Klubu (Bakı);
3-cü yer - "Kano" Cüdo İdman Klubu (Bakı).
2011-2013-cü il təvəllüdlər üzrə:
1-ci yer - "Kürdəxanı" Cüdo İdman Klubu;
2-ci yer - Xızı UGİŞM;
3-cü yer - Qusar UGİŞM.
