Gənclər və İdman Nazirliyi Xaçmaz, Quba, Qusar və İsmayıllı rayonları üzrə həftənin idman afişasını açıqlayıb. Bu haqda ShimalNews 15 iyul tarixində məlumat verir.
İyulun 21-nə kimi tərtib olunmuş cədvəli təqdim edirik:
İsmayıllı
- Gənclər və İdman Nazirliyinin yaradılmasının 30 illiyinə həsr olumuş minifutbol üzrə İsmayılllı rayon turniri - 15-25 iyul saat 18:00 (İsmayıllı şəhər H.Əliyev adına park);
- Vətən müharibəsi şəhidləri Orxan Lətifli, Elnur Qədirli və Tural Şıxızadənin xatirəsinə həsr olunmuş 2013-2015-ci il təvəllüdlü kiçik yaşlı yeniyetmələr arasında cüdo üzrə açıq rayon turniri - 17-18 iyul saat 10:00 (İsmayıllı Olimpiya İdman Kompleksi).
Xaçmaz
- İdarə, müəssisə və təşkilatlar arasında minifutbol üzrə Xaçmaz rayon turnirinin pley-off mərhələsi - 15-21 iyul saat 18:00 (Xaçmaz rayonu minifutbol meydançası);
- "İdman hamı üçün" layihəsi çərçivəsində boks üzrə kütləvi idman tədbiri - 16 iyul saat 11:00 (Xaçmaz rayonu boks idman zalı).
Qusar
- Kamandan oxatma üzrə açıq havada ölkə birinciliyi və çempionatı – 18-20 iyul (Quba);
- Şahmat üzrə Qusar rayon birinciliyi - 19 iyul saat 11:00 (Qusar rayonu “Simurq” Kulturologiya Mərkəzi);
- Gənclər arasında futzal üzrə Qusar rayon birinciliyi - 20 iyul saat 18:30 (Qusar Olimpiya İdman Kompleksi).
Quba
- "İdman hamı üçün" layihəsi çərçivəsində futbol üzrə kütləvi idman tədbiri - 19 iyul saat 11:00 (Quba Olimpiya İdman Kompleksi);
- “Quba - İdman Paytaxtı 2024” çərçivəsində qadınlar arasında 3x3 basketbol üzrə dünya seriyasının “Quba” mərhələsi - 20-21 iyul saat 16:00 (Quba Olimpiya İdman Kompleksi).
