Şəki şəhərində ümumtəhsil məktəblərinin qızlardan ibarət komandaları arasında basketbol idman növü üzrə turnir keçirilib.
AZƏRTAC-ın məlumatına görə, turnir 5 Mart – Bədən Tərbiyəsi və İdman Gününə həsr olunub.
Şəki-Zaqatala Regional Gənclər və İdman İdarəsinin Şəki şəhəri üzrə gənclər və idman sektorunun və şəhər Təhsil sektorunun birgə təşkilatçılığı ilə keçirilən yarışda 8 komanda mübarizə aparıb.
Bildirilib ki, turnirin yekun nəticələrinə əsasən, birinci yerə şəhər 17 nömrəli tam orta məktəbin komandası layiq görülüb. Şəhər 5 və 20 nömrəli tam orta məktəblərin komandaları müvafiq olaraq ikinci və üçüncü yerləri tutublar.
Qaliblərə kubok, medal və diplomlar təqdim olunub.
