Qusar rayonunun "Zeyxur" komandası “Sərhəd” hərbi-idman oyununun final mərhələsinə vəsiqə qazanıb. Bu haqda ShimalNews 19 aprel tarixində məlumat verir.
Yarışın II turunda - sərhədyanı zona üzrə oyunlarda Yuxarı Zeyxur kənd məktəbinin təmsilçiləri 1-ci yerə layiq görülüblər. Həzrə kənd məktəbinin "Xəzri" komandası 2 yerə, Xaçmaz rayonunun "Şimal pələngləri" komandası isə 3-cü yerlərə sahib çıxıb.
“Sərhəd” hərbi-idman oyunu Quba-Xaçmaz Regional Gənclər və İdman İdarəsinin, Quba-Xaçmaz Regional Təhsil İdarəsinin, Dövlət Sərhəd Xidməti (DSX) Sərhəd Qoşunlarının Xudat sərhəd dəstəsinin birgə təşkilatçılığı ilə Sərhəd Qoşunlarının Xudat sərhəd dəstəsinin hərbi hissəsində baş tutub.
