Futbol üzrə Azərbaycan Kubokunda 1/4 final mərhələsinin daha bir cavab oyunu bu gün keçiriləcək.
Shimal.News xəbər verir ki, günün yeganə qarşılaşmasında "Qarabağ" "Şamaxı"nı qəbul edəcək.
Görüş Tofiq Bəhramov adına Respublika stadionunda saat 19:00-da başlayacaq.
Şamaxıda keçirilən ilk oyunda meydan sahibləri 2:1 hesablı qələbə qazanıblar. Bu cütün qalibi yarımfinalda "Sabah" – "Qəbələ" duelinin güclüsü ilə üz-üzə gələcək.
Qeyd edək ki, 1/4 final mərhələsinə martın 5-də yekun vurulacaq. Dünən keçirilən oyunda "Zirə" "Sumqayıt"ı 2:0 hesabı ilə məğlub edib. İlk qarşılaşma 0:0 hesabı ilə başa çatmışdı. Bununla da "Zirə" yarımfinala vəsiqə qazanan ilk komanda olub.
