Bu gün Şabran şəhər Mərkəzi Stadionunda Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektorunun təşkilatçılığı ilə həmyaşıd futbolçular arasında yoldaşlıq oyunları keçirilib.
Shimal.News məlumat verir ki, UGİM-in futbol bölməsinin U-11, U-12 və U-13 komandaları həmyaşıdları ilə "Sumqayıt FA" meydanda qarşılaşıblar.
Tədbir futbol idman növünün yeniyetmələr arasında təbliğ olunması, rayonda idmanın kütləviliyinin artırılması, həmçinin idmançıların təcrübə qazanması və dostluq əlaqələrinin möhkəmlənməsi məqsədilə keçirilib.
Burada Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektorunun müdiri Süleyman Əliməmmədov, idarənin nəzdində fəaliyyət göstərən UGİM-in direktoru İlqar Məqami, məşqçi-müəllim Nəriman Əzimov və 40 nəfər yeniyetmə idmançı iştirak ediblər.
