Şabranın Bayraq Meydanında U-11 və U-12 komandaları arasında matçlar keçirilib.
ShimalNews Quba-Xaçmaz Regional Gənclər və İdman İdarəsinə istinadən xəbər verir ki, Uşaq-gənclər idman məktəbinin (UGİM) və Bakı şəhəri "Qaradağ-Lökbatan" klubunun həmyaşıd futbolçuları arasında yoldaşlıq oyunları baş tutub.
"Bayraq Meydanı"nda yerləşən süni örtüklü futbol meydançasında keçirilən görüşdə idarənin Şabran rayonu üzrə gənclər və idman sektorunun baş məsləhətçisi Vüsal Alışov, idarənin nəzdində fəaliyyət göstərən UGİM-in direktoru İlqar Məqami, metodist Kamran Mehtiyev, məşqçi-müəllim Nəriman Əzimov və 60 nəfər yeniyetmə idmançı iştirak etmişdir.
