Qusardan olan karateçilər Arpaçay Karate Klubunun Açıq Karate Turnirində yüksək nəticələr əldə ediblər. Bu barədə ShimalNews 30 iyun tarixində Qusar Olimpiya İdman Kompleksinə istinadən məlumat verir.
Paytaxt Bakıda Gənclər və İdman Nazirliyinin Bakı Şəhər Gənclər və İdman Baş İdarəsinin dəstəyi, Azərbaycan Karate Federasiyaları Assosiasiyasının (AKFA) və Azərbaycan Milli Karate Federasiyasının (AMKF) birgə təşkilatçılığı ilə ümummilli lider Heydər Əliyevin 100 illiyinə həsr olunan yarış baş tutub.
Məşqçi Loğman Aslanovun rəhbərliyi altında turnirə yollanan təmsilçilərimizin nəticələrini təqdim edirik:
- Cəbrayıl Manafov və Tərlan Şıxıyev qızıl;
- Dinara Nəbiyeva, Elmin Koroğluyev, Aysu Salmanova, Tamerlan Bədəlov, Əli Məhərrəmov və Süleyman Azayev gümüş;
- Daşqın Abdullu, Mehdi Abdullu və Elvin İbrahimxəlilov bürünc medal.
Bu münasibətlə karateçilərlə görüş keçirilib. Qusar Olimpiya İdman Kompleksinin direktoru Elşən Məmmədov onları təbrik edib və gələcək yarışlarda uğurlar arzulayıb.
