Qusar Olimpiya İdman Kompleksində Regional Cüdo Təlim Mərkəzinin açılış mərasimi baş tutub.
ShimalNews məlumat verir ki, Tədbirdə Qusar Rayon İcra Hakimiyyətinin başçısı Sahir Məmmədxanov, Quba-Xaçmaz Regional Gənclər və İdman İdarəsinin rəisi Nəcəf Novruzov, Azərbaycan Cüdo Federasiyasının (ACF) icraçı vitse-prezidenti Rəşad Rəsullu, Qusar Olimpiya İdman Kompleksinin direktoru Elşən Məmmədov, cüdo üzrə olimpiya çempionları Nazim Hüseynov, Elnur Məmmədli, Hidayət Heydərov və Zelim Kotsoyev, dünya çempionu Elxan Məmmədov və digər rəsmi qonaqlar iştirak ediblər.
Açılış mərasimndə çıxış edən natiqlər bildirib ki, mərkəz Azərbaycan Cüdo Federasiyası tərəfindən Gənclər və İdman Nazirliyinin dəstəyi ilə 3 ay ərzində istifadəyə verilib. Burada cüdo zalı, trenajor avadanlıqları, oğlan və qızlar üçün paltardəyişmə otağı və məşqçilərin otağı var.
