Qusarda kəndlərarası voleybol çempionatı başa çatıb. Turnir gərgin mübarizə və azarkeş dəstəyi ilə yadda qalıb.
Məlumatına görə, Ümummilli Lider Heydər Əliyevin xatirəsinə həsr olunan yarış Qusar Rayon İcra Hakimiyyətinin dəstəyi, rayon üzrə gənclər və idman sektorunun və İmamqulukənd bələdiyyəsinin təşkilatçılığı ilə keçirilib.
İmamqulukənddə təşkil olunan turnirdə hər oyunu 2 mindən çox azarkeşin izlədiyi bildirilib. Qarşılaşmalarda tribunaların böyük səs-küyü Çempionlar Liqası ab-havası yaradıb.
Bürünc medal uğrunda görüşdə "SDK Samur"u məğlub edən "Köhnə Xudat" üçüncü yeri tutub.
Finalda isə "İmamqulukənd" "Mucuqoba"nı ardıcıl 3 setdə məğlub edərək turnirin qalibi olub.
Qaliblərə diplom və medallar təqdim edilib. "İmamqulukənd" komandasına isə çempionluq kuboku verilib.
Mənbə: Azərtac
