Qusar rayonunda uşaq və yeniyetmələr arasında minifutbol idman növü üzrə kütləvi idman tədbiri keçirilib. Bu barədə ShimalNews 1 iyul tarixində məlumat verir.
Qusar Olimpiya İdman Kompleksində 40 nəfər gənc idmançı meydana çıxıb. Tədbirdə məşqçi-müəllimlər Şərafəddin Məmmədov, Telman Cavadov və Elman Əmrullayev iştirak ediblər.
Quba-Xaçmaz Regional Gənclər və İdman İdarəsinin Qusar rayonu üzrə gənclər və idman sektorunun təşkil etdiyi toplantının məqsədi bu idman növünə marağın artırılması və rayonda inkişaf etdirilməsidir.
