Qusarda jurnalistlər arasında keçiriləcək voleybol üzrə Zəfər Kubokunun püşkatma mərasimi baş tutub. Bu haqda ShimalNews 12 iyul tarixində məlumat verir.
Tədbirdə Azərbaycan Voleybol Federasiyasının vitse-prezidenti Faiq Qarayev də iştirak edib. 6 komandanın - "Şuşa", "Kəlbəcər", "Zəngilan", "Füzuli", "Laçın" və "Ağdərə"nin iştirak edəcəyi, ardıcıl 4-cü dəfə keçiriləcək turnirin püşkatmasından sonra qrupların tərkibi müəyyənləşib.
A qrupu
"Kəlbəcər"
"Zəngilan"
"Füzuli"
B qrupu
"Şuşa"
"Ağdərə"
"Laçın".
İyulun 20-21-də Qusar Olimpiya İdman Kompleksində təşkil edilən yarış Heydər Əliyevin anadan olmasının 101-ci ildönümü münasibətilə keçiriləcək. Açılış matçında "Kəlbəcər" və "Füzuli" komandaları qarşılaşacaq.
