Qusarda jurnalistlər arasında voleybol üzrə Zəfər Kuboku keçiriləcək. Bu haqda ShimalNews 3 iyul tarixində məlumat verir.
Heydər Əliyevin anadan olmasının 101-ci ildönümünə həsr olunan yarış Olimpiya İdman Kompleksində təşkil ediləcək. Zəfər Kubokuna hər birində 6 oyunçu olmaqla ümumilikdə 6 komanda qatılacaq.
Komandalar A və B qruplarına bölünəcək. İyulun 20-də qrup oyunları keçiriləcək. Qruplarda ilk 2 yeri tutacaq komandalar yarımfinalda üz-üzə gələcəklər. Yarımfinal cütlərinin qalibləri finala, məğlublar isə 3-cü yer uğrunda görüşə çıxacaqlar.
20-21 iyulda baş tutacaq çempionatın püşkatma mərasimi Bakıda gerçəkləşəcək.
