Qusarda “Gimnastika hamı üçün” növü üzrə təlim-məşq toplanışı keçirilib. Bu haqda ShimalNews 24 iyul tarixində Gimnastika Federasiyasına istinadən məlumat verir.
Tədbir Olimpiya İdman Kompleksində baş tutub. Məşqçi Ruslan Eyvazovun rəhbərliyi altında 26 idmançının qatıldığı toplantı çərçivəsində milli rəqs, idman bal rəqsləri, hip-hop, “jazz-funk”, akrobatika üzrə ustad dərsləri, eləcə də “Gimnastika hamı üçün” növü üzrə açıq havada fiziki hazırlıq məşğələləri təşkil edilib.
Təlimlər Hollandiyanın Amsterdam şəhərində keçiriləcək Ümumdünya Gimnastradasına hazırlıq məqsədi daşıyıb.
Qusar: Ümumdünya Gimnastradasına hazırlıq məqsədli təlim-məşq toplanışı keçirilib
