Qusarda voleybol üzrə jurnalistlər arasında Zəfər Kuboku keçirilib. Bu haqda ShimalNews 18 iyul tarixində məlumat verir.
Heydər Əliyevin 100 illik yubileyinə həsr olunan idman tədbiri Qusar Olimpiya İdman Kompleksində baş tutub. İki gün davam edən yarışda 6 komanda mübarizə aparıb. Media nümayəndələri işğaldan azad olunmuş Azərbaycan ərazilərinin adlarına uyğun olaraq, "Şuşa", "Kəlbəcər", "Zəngilan", "Suqovuşan", "Xankəndi" və "Füzuli" adları ilə çıxış ediblər.
A qrupu
"Füzuli" - "Suqovuşan" - 0:2 (17:25, 13:25)
"Xankəndi" - "Suqovuşan" - 0:2 (15:25, 17:25)
"Füzuli" - "Xankəndi" - 0:2 (18:25, 19:25)
Xal durumu: "Suqovuşan" - 6, "Xankəndi" - 3, "Füzuli" - 0.
B qrupu
"Kəlbəcər" - "Şuşa" - 0:2 (19:25, 18:25)
"Zəngilan" - "Şuşa" - 0:2 (8:25, 15:25)
"Kəlbəcər" - "Zəngilan" - 2:0
Xal durumu: "Şuşa" - 6, "Kəlbəcər" - 3, "Zəngilan" - 0.
İlk yarımfinal görüşündə "Suqovuşan" və "Kəlbəcər" komandaları üz-üzə gəliblər. Rəqibini 2:0 hesabı ilə məğlub edən ikincilər adlarını finala yazdırıblar. Yarımfinalın digər oyununda isə "Şuşa" "Xankəndi"nə eyni hesabla qalib gələrək, həlledici matçda "Kəlbəcər"ə rəqib olub.
Məğlub komandalar isə 3-cü yer uğrunda görüşdə münasibətlərinə aydınlıq gətiriblər. "Suqovuşan"ı 2:1 hesabı ilə üstələyən "Xankəndi" turnirin bürünc medallarına sahib çıxıb.
Bu oyundan sonra final matçı baş tutub. Hər iki setdə rəqibini yenən "Şuşa" ardıcıl ikinci dəfə yarışın qalibi olub. Çempion komandaya kubok və qızıl medallar, iki və üçüncü yerin sahiblərinə isə müvafiq olaraq, gümüş və bürünc medallar təqdim olunub.
