Qusarda yeniyetmələr arasında sambo üzrə rayon açıq turniri keçirilib. Bu haqda ShimalNews 23 iyul tarixində məlumat verir.
Olimpiya İdman Kompleksində baş tutan yarışın açılışında Qusar rayon İcra Hakimiyyətinin başçısı Sahir Məmmədxanov, Quba-Xaçmaz Regional Gənclər və İdman İdarəsinin rəisi Nəcəf Novruzov, Azərbaycan Sambo Federasiyasının nümayəndəsi, yeniyetmələrdən ibarət milli komandanın baş məşqçisi Yaqub Abdullayev, Qusar Olimpiya İdman Kompleksinin direktoru Elşən Məmmədov, Quba-Xaçmaz Regional Gənclər və İdman İdarəsinin Qusar rayonu üzrə Gənclər və İdman Sektorunun müdiri Emil Əmirmətov, Federasiyanın hakim heyəti, idmançılar, müəllimlər və valideynlər iştirak ediblər.
Turnirdə 14 çəki dərəcəsində 70 nəfərdən çox idmançı mübarizə aparıb. Qaliblər Quba-Xaçmaz Regional Gənclər və İdman İdarəsi tərəfindən müvafiq dərəcəli diplom və medallarla təltif olunublar.
