Qubada gənc cüdoçular üçün master-klass keçirilib.
ShimalNews xəbər verir ki, master-klass Azərbaycan Cüdo Federasiyasının prezidentinin müşaviri, dünya mükafatçısı Natiq Bağırovun iştirakı baş tutub.
Ustad dərsi “Asan” xidmət mərkəzinin önündə təşkil olunub. Təcrübəli idmançılar cüdonun fəlsəfəsi və əsas texnikaları haqqında məlumat verərək, iştirakçılara bu idman növünün incəliklərini öyrədiblər. Uşaqlar və gənclər tatamiyə dəvət olunaraq, göstərilən fəndləri öyrənib tətbiq etməyə çalışıblar.
Tədbir zamanı iştirakçılar üçün viktorinalar təşkil olunub, cüdo ilə bağlı suallar verilib və düzgün cavab tapan şəxslərə müxtəlif hədiyyələr təqdim edilib.
