Qubada şagirdlər arasında “Nə? Harada? Nə zaman?” formatında intellektual yarış keçirilib. Bu haqda 6 iyun tarixində ShimalNews Heydər Əliyev mərkəzinə istinadən məlumat verir.
Müsabiqə Heydər Əliyevin anadan olmasının 100 illiyi ilə əlaqədar təşkil edilib. Yarışda Quba şəhər 2, 4, 6, 7 saylı, Texniki təmayüllü məktəb-liseyi, Alpan, Alekseyevka, Zərdabi kənd tam orta məktəblərindən 9 komanda olmaqla ümumilikdə 54 gənc mübarizə aparıb.
Yekunda Quba rayonu Rəhman Məmmədov adına Alekseyevka kənd tam orta məktəbini təmsili edən “Kripteks” komandası 1-ci yer, Quba şəhəri Fizika, riyaziyyat və informatika təmayüllü liseyi təmsil edən “Carpe diem” komandası 2-ci yer, Quba şəhəri 6 saylı tam orta məktəbi təmsil edən “Lider” komandası 3-cü yeri tutub.
