Misli Premyer Liqasının 1-ci turunun ilk oyunu Tovuz şəhər stadionunda keçiriləcək.
Qərb təmsilçisi "Qəbələ"ni qəbul edəcək. "Qırmızı-qaralar"ın sözçüsü Elnur Məmmədlinin verdiyi məlumata görə, Kaxaber Tsxadadzenin çalışdırdığı kollektiv Tovuzdakı oyuna tam heyətlə hazırlaşır:
"Heyətdə cəzalı və ya zədəli oyunçu yoxdur. Yalnız məşqçi Asif Məmmədov ötənmövsümkü cəzasını tamamlamadığı üçün texniki zonada olmayacaq. Onu da deyim ki, komanda Tovuza oyundan bir gün əvvəl yollanacaq. Rəqib meydanında məşq nəzərdə tutulmayıb".
Qeyd edək ki, "Turan Tovuz" - "Qəbələ" qarşılaşması 19:30-da başlayacaq.
Mənbə: Fanat.аz
