İsmayıllıda minifutbol yarışmasının qalibləri məlum olub. Bu haqda ShimalNews 20 iyun tarixində məlumat verir.
"GİN-30" devizi altında keçirilən turnir Gənclər və İdman Nazirliyinin yaradılmasının 30 illiyinə həsr olunub. Final mərhələsində “Avto Go” 1-ci, “Teymur” 2-ci və “Veteranlar” 3-cü yerlərə layiq görülüblər.
Qaliblər Dağlıq Şirvan Regional Gənclər və İdman İdarəsinin diplomları və kuboku ilə, sahibkar Ədalət Göyüşov tərəfindən isə pul mükafatı ilə mükafatlandırılıblar.
Turnirin çempionu “Avto Go” komandası qazandıqları kuboku Vətən müharibəsi şəhidi Teymur Osmanlının Ev-Muzeyinə hədiyyə ediblər.
