Qubada kikboksinq üzrə kadetlər, yeniyetmələr və gənclər arasında 28-ci Azərbaycan birinciliyinə start verilib. Bu haqda ShimalNews 18 iyun tarixində məlumat verir.
Dünəndən Olimpiya İdman Kompleksində başlayan yarış 19 iyun tarixində yekunlaşacaq. Birinciliyin açılış mərasimində Quba-Xaçmaz Regional Gənclər və İdman İdarəsinin rəisi Nəcəf Novruzov, Azərbaycan Kikboksinq Federasiyasının birinci vitse prezidenti dünya çempionu Ramal Aslanov, Quba Olimpiya İdman Kompleksinin direktoru Cavid Seyidov, Ombudsmanın Şimal Regional Mərkəzinin rəhbəri Bəhruz Əfəndiyev, şəhid ailələrinin üzvləri, müxtəlif federasiya və 600 nəfər idmançı iştirak ediblər.
