İsmayıllı Olimpiya İdman Komplesinin stadionunda Dağlıq Şirvan Regional Gənclər və İdman İdarəsinin təşkilatçılığı ilə Şəhidlərin əziz xatirəsinə həsr olunmuş futbol üzrə İsmayıllı rayon turnirinin final oyunu keçirilib.
Rekord.az-ın məlumatına görə, turnirin əsas məqsədi Vətən uğrunda canından keçən şəhidlərimizin xatirəsini əziz tutmaq, gənc nəslə vətənpərvərlik ruhunu aşılamaq və futbol idman növünü yeniyetmələr, gənclər arasında təşviq etməkdən ibarət olub.
Tədbirdə şəhid ailələri də iştirak edərək turnirə mənəvi dəstək veriblər.
