İsmayıllıda cüdo idman növü üzrə ustad dərsi təşkil edilib. Bu haqda ShimalNews 19 avqust məlumat verir.
Təlim "İdman hamı üçün" layihəsi çərçivəsində Olimpiya İdman Kompleksində keçirilib. Dərs zamanı 3-cü Dan qara kəmər sahibi, Əməkdar məşqçi Əkbər Şəfaqətov yeniyetmə idmançılara cüdo haqqında məlumat verib. Daha sonra idmançılar məşqçi-müəllimin rəhbərliyi altında müxtəlif fəndləri mənimsəyərək yerinə yetiriblər.
Tədbirin keçirilməsində məqsəd uşaqlar və yeniyetmələr arasında cüdo idman növünə marağın artırılması, sağlam həyat tərzinə çağırış, təlim-məşq proseslərinin təkmilləşdirilməsi və asudə vaxtın səmərəli təşkilidir.
