5-ci İslam Həmrəyliyi Oyunlarında qələbə qazanan idmançılarımız bu gün İlham Əliyev və Mehriban Əliyeva ilə görüşüblər. Bu barədə ShimalNews 22 avqust tarixində məlumat verir.
Tədbirdə Konyadan Vətənə qələbə ilə qayıdan qusarlı taekvondoçu Fəridə Əzizova, xaçmazlı kikboksçu Elvin Ağayev və digər mükafatçılar iştirak ediblər.
“Əlbəttə ki, birinci yerdə, - əgər belə demək mümkündürsə, - güləşçilərdir, 23 medal qazanmışlar, onlardan 8-i qızıl medaldır. Bu da təbiidir. Çünki güləş bizim milli idman növümüzdür və biz güləşdə ənənəvi olaraq uğurlar qazanmışıq. İkinci yerdə gimnastikanın nümayəndələridir. Üç növ gimnastikada idmançılarımız 17 medal qazanmışlar, onlardan 8-i qızıl medal olmuşdur. Üçüncü yerdə qeyri-Olimpiya idman növü – kikboksinq idmançılarıdır. Onların qazandıqları medalların sayı 15-dir. Onlardan 3-ü qızıl medaldır. Yəni, bu, doğrudan da böyük nailiyyətdir. Çünki bu Oyunlarda 50-dən çox ölkə iştirak edirdi və yenə də deyirəm, mübarizə çox gərgin keçib”, - dövlət başçısı vurğulayıb.
