Beynəlxalq Cüdo Federasiyasının (BCF) akademiyasında yüksək nəticə əldə edən peşəkar cüdo məşqçiləri Qusarda seminar keçiriblər. Bu barədə ShimalNews 22 iyul tarixində xəbər verir.
Təlim Azərbaycan Cüdo Federasiyasının Kəmər imtahan komitəsinin təşkilatçılığı ilə Olimpiya Kompleksində iyulun 21-i baş tutub. Burada Şimal regionunun müxtəlif klub, cəmiyyət və idman təşkilatından olan məşqçiləri və cüdoçuları iştirak ediblər.
Məşqçilər imtahanlarda tələb olunacaq fəndləri əyani şəkildə nümayiş etdiriblər. Onların düzgün icra edilməsi, imtahanların proqramları, qiymətləndirmə meyarları barəsində müzakirələr aparılıb.
Kəmər imtahanlarının oktyabr ayından etibarən ildə ən azı 2 dəfə olmaqla təşkil edilməsi planlaşdırılır.
