Azərbaycan Futbol Federasiya (AFFA) İntizam Komitəsinin iclası keçirib. Toplantında II və aşağı liqalarda baş verən hadisələr müzakirə olunub.
ShimalNews federasiyaya istinadən xəbər verir ki, iclasda aşağıdakı qərarlar qəbul olunub:
8 sentyabr 2024-cü il tarixində II Liqanın II turunun “Füzuli” – “Qusar” oyununun 74-cü dəqiqəsində “Qusar” komandasının 11 nömrəli futbolçusu Sərxan Ağayev ikinci sarıdan qırmızı vərəqə aldığına görə 1 oyun cəzalanır, “Qusar” komandası 50 manat cərimə edilir (maddə 36.5);
8 sentyabr 2024-cü il tarixində II Liqanın II turunun “Şimal” – “Ağdaş” oyununda “Şimal” komandasının 4 futbolçusu sarı vərəqə aldığına görə “Şimal” komandası 70 manat cərimə edilir (maddə 37);
8 sentyabr 2024-cü il tarixində II Liqanın II turunun “Şəmkir” – “Hypers Guba” oyunu bitdikdən sonra “Şəmkir” klubunun azarkeşləri tərəfindən meydançaya kənar əşya atıldığına görə “Şəmkir” klubu 80 manat cərimə edilir (maddə 52.1);
8 sentyabr 2024-cü il tarixində II Liqanın II turunun “Şəmkir” – “Hypers Guba” oyununda “Şəmkir” klubunun azarkeşləri tərəfindən pirotexniki vasitədən istifadə edildiyinə görə “Şəmkir” klubu 150 manat cərimə edilir (maddə 52.2);
8 sentyabr 2024-cü il tarixində II Liqanın II turunun “Şəmkir” – “Hypers Guba” oyununun 60-cı dəqiqəsində “Hypers Guba” komandasının 44 nömrəli futbolçusu Rəhim Cəfərov rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanır, “Hypers Guba” komandası 80 manat cərimə edilir (maddə 41);
8 sentyabr 2024-cü il tarixində II Liqanın II turunun “Şəmkir” – “Hypers Guba” oyununun 75-ci dəqiqəsində “Hypers Guba” komandasının 77 nömrəli futbolçusu Nicat Oruclu ikinci sarıdan qırmızı vərəqə aldıqdan sonra rəqib azarkeşlərə qeyri-etik jest etdiyinə görə 4 oyun cəzalanır, “Hypers Guba” komandası 350 manat cərimə edilir (maddə 43.5).
