"Quba" basketbol klubunun baş məşqçisi müəyyənləşib.
"Report"un məlumatına görə, komandanı Şəhriyar Əsgərov çalışdıracaq.
Azərbaycan Basketbol Liqasının (ABL) ötən mövsümündə "Cəlilabad" adı altında çıxış edən komandanın məşqçilər korpusu və əksər oyunçuları da məhz "Quba"da olacaq. Zaur Paşayev oynayan məşqçi funksiyasını yerinə yetirəcək. Komandanın kapitanı isə Fikrət Paşayevdir.
Qeyd edək ki, klubun ev oyunları Quba Olimpiya İdman Kompleksində keçiriləcək.
