İsmayıllı rayonunda cüdo idman növü üzrə Bölgə Kuboku keçirilib. Bu haqda ShimalNews 11 mart tarixində məlumat verir.
2010-2012-ci il təvəllüdlü oğlanlar güclərini Olimpiya İdman Kompleksində sınayıblar. 37 komandadan 200 nəfər idmançının qatıldığı yarışın mükafatçıları təşkilatçılar tərəfindən kubok, medal və diplomlarla təltif olunublar.
Turnirdə Dağlıq Şirvan Regional Gənclər və İdman İdarəsinin rəisi Taleh Salehov, idarənin digər əməkdaşları, Cüdo Fedarasiyası prezidentinin müşaviri Natiq Bağırov, “Şöhrət” ordenli və “Tərəqqi” medallı Ağayar Axundzadə, ACF-nin Şimal-Qərb regionu üzrə baş məşqçisi, Əməkdar məşqçi Əkbər Şəfaqətov və İsmayıllı OİK-nın müdiri Xamis Bədəlov iştirak ediblər.
