Siyəzəndə voleybol üzrə rayon birinciliyi keçirilib.
ShimalNews xəbər verir ki, Vətən müharibəsi şəhidlərinin xatirəsinə həsr olunmuş çempionatda 12 komanda mübarizə aparıb. Oğlanlar arasında “Sumqayıt Regional Siyəzən” komandası 1-ci, “Dağlılar” komandası 2-ci yeri tutub. Qızlar arasında isə “Sumqayıt Regional Siyəzən” komandası 1-ci, “Siyəzən Zirvə” komandası isə 2-ci olub.
Qaliblər Quba-Xaçmaz Regional Gənclər və İdman İdarəsinin müvafiq diplomları ilə təltif olunublar.
Yarış Siyəzən rayonunda voleybol idman növünün rayonda inkişaf etdirilməsi, idmanın bu növünə marağın artırılması, gənclər arasında sağlam həyat tərzinin təbliğ edilməsi, həmçinin asudə vaxtın səmərəli təşkil olunması məqsədi daşıyıb.
