Zaqatala rayonunda ağır yol-nəqliyyat hadisəsi baş verib.
Shimal.News-un məlumatına görə, hadisə gecə saat 02:00 radələrində Qax–Zaqatala avtomobil yolunun rayonun Yuxarı Tala kəndi ərazisindən keçən hissəsində qeydə alınıb.
İlkin məlumata görə, Zaqatala şəhər sakini, 17 yaşlı Məhərrəm Rasim oğlu Ramazanovun idarə etdiyi "Lada Priora" markalı avtomobil idarəetmədən çıxaraq yol kənarına aşıb.
Qəza nəticəsində sürücü və avtomobildə olan üç sərnişin – 17 yaşlı Tunar Rizvan oğlu Ramazanov, 17 yaşlı Sənan Kamil oğlu Şabanov və 22 yaşlı Qismət Hikmət oğlu Əliyev müxtəlif dərəcəli bədən xəsarətləri alıblar.
Yaralılar Zaqatala Rayon Mərkəzi Xəstəxanasının Cərrahiyyə Korpusuna yerləşdiriliblər.
Məlumata görə, Tunar Ramazanovun vəziyyəti ağır, digər üç yaralının vəziyyəti isə orta-ağır qiymətləndirilir.
Faktla bağlı araşdırma aparılır.
