Xızı rayonunun Fındığan kəndi yaxınlığında dağlıq ərazidə 3 nəfər avtomobildə köməksiz vəziyyətdə qalıb.
Shimal.News xəbər verir ki, Fövqəladə Hallar Nazirliyinin "112" qaynar telefon xəttinə bu barədə məlumat daxil olub.
Güclü yağıntılar səbəbindən "Toyota Prado" markalı minik avtomobili yoldan çıxaraq palçıqda batıb və əcnəbi vətəndaşlar köməksiz vəziyyətdə qalıb.
Xilasedicilər xüsusi təyinatlı nəqliyyat vasitəsilə vətəndaşları təhlükəsiz əraziyə təxliyə ediblər.
