Xaçmaz rayonunda 2023-cü ildə itkin düşən şəxsin qətlə yetirildiyi müəyyən olunub.
Qafqazinfo.az-ın məlumatına görə, polis əməkdaşları əməliyyat-axtarış tədbirləri keçiriblər.
Nəticədə 1987-ci il təvəllüdlü Əmirəddin Əkbərovun ov tüfəngi ilə qətlə yetirilməsində şübhəli bilinən 1975-ci il təvəllüdlü Surəddin Həsənəliyev saxlanılıb.
Ə.Əkbərovun cəsədi basdırıldığı yerdən aşkar edilərək çıxarılıb və aidiyyəti üzrə təhvil verilib. Şübhəli şəxsdən cinayət aləti olan ov tüfəngi maddi sübut kimi götürülüb.
Faktla bağlı araşdırmalar davam etdirilir.
