Xaçmaz rayonunun Alıcqışlaq kəndində yanğın baş verib.
Bizim.media-nın məlumatına görə, kənd sakini Niyaməddin Mirzəyevə məxsus, ümumi sahəsi 240 kvadratmetr olan 8 otaqlı yaşayış evinin 50 kvadratmetrlik hissəsi yanıb.
Hadisə yerinə cəlb olunan FHN-in Xaçmaz Rayon Dövlət Yanğından Mühafizə Hissəsinin əməkdaşları yanğını qısa müddətdə nəzarət altına alaraq alovun evin digər hissələrinə keçməsinin qarşısını alıblar.
Yanğının başvermə səbəbi hələlik məlum deyil.
