Dinə qarşı çıxışları ilə tanınan "Çevik" ləqəbi Məqsəd Bağırov ötən gün iki nəfərin hücumuna məruz qalıb.
Şahidlərinin sözlərinə görə, hadisə Qəbələ şəhərində baş verib.
Məqsəd Bağırov bir neçə şəxs tərəfindən yaşadığı evin yaxınlığındakı kafeyə çağırılıb. Daha sonra həmin obyektə məxsus həyətdə ona xəsarət yetirilib.
Məlumata görə, hadisəyə Qəbələ Rayon Polis Şöbəsinin əməkdaşları müdaxilə edib və iki nəfər saxlanılıb.
Faktla bağlı polis şöbəsində araşdırma aparıldığı bildirilir.
Qeyd edək ki, hadisə ilə bağlı aidiyyəti qurumlar tərəfindən rəsmi açıqlama verilməyib.
Mənbə: Aztimes.az
