Paytaxtın Xətai rayonunda 17 yaşlı Zeynəb Yaralıyeva və onun 16 yaşlı qardaşı Amin dəm qazından boğularaq ölüblər.
İşdən evə qayıdan ana iki övladının cansız bədənini aşkar edib.
Qonşuların bildirdiyinə görə, əslən Qusar rayonundan olan ana iki övladı ilə təxminən iki ildir həmin ünvanda kirayədə yaşayırmış. Yeniyetmələr məktəbli olublar.
Qonşulardan biri hadisə ilə bağlı deyib:
"Anası özünü itirmişdi, çığırırdı. İçəri daxil olub tez pəncərələri açdım. Uşağa kömək etmək istəyəndə gördüm ki, artıq gecdir, dünyasını dəyişib. Qız isə hamamda yıxılıb və orada həyatını itirib. Dəm qazının qoxusundan içəri girmək olmurdu. Burnumu tutub içəri girdim, bir dəqiqə keçməmiş gözlərim yaşardı".
Digər bir qonşu isə bildirib ki, yeniyetmələrin anası işdən gəlib qapını döyüb, lakin açan olmayıb:
"Qapını açanda bu mənzərə ilə qarşılaşıb. Uşaqlardan biri çarpayıda, digəri isə hamam otağında ölmüşdü. Ana onları çölə çıxarmışdı".
Ətraflı xəzərxəbər-in videosunda:
