Quba Rayon Mərkəzi Xəstəxanasının məlumatı:
16.12.2025-ci il tarixində saat 10:20 radələrində Quba rayonu ərazisində baş verən yol-nəqliyyat hadisəsi səbəbilə 2 nəfər (kişi) Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
1961-ci il və 1980-ci il təvəllüdlü şəxslərə bel fəqərələrinin dəqiqləşdirilməmiş sınığı, döş qəfəsinin küt travması diaqnozu təyin olunub və zəruri tibbi xidmətlər göstərilib.
Vəziyyətləri orta ağır qiymətləndirilən hər iki pasiyentin müalicələri Təcili tibbi yardım şöbəsində davam etdirilir.
12:12
Quba rayonu ərazisində yol-nəqliyyat hadisəsi qeydə alınıb. Nəticədə 2 nəfər müxtəlif dərəcəli xəsarətlər alıb.
Shimal.News-un əldə etdiyi məlumata görə, yaralılar Quba rayon Mərkəzi Xəstəxanasına gətirilib, hazırda onlara müvafiq tibbi yardım göstərilir.
Fakt araşdırılır.
