Xəbər verdiyimiz kimi, Quba şəhərinin Bayraq Meydanında dirəkdən yıxılan şəxs ağır xəsarət alıb. 40 yaşlı Pərviz Mütəllimov müxtəlif dərəcəli xəsarətlərlə Quba rayon Mərkəzi Xəstəxanasına çatdırılıb.
Shimal.News-un məlumatına görə, Pərviz Mütəllimovun vəziyyəti dünən ağırlaşdığı üçün paytaxtdakı klinikalardan birinə çatdırılıb.
Məsələ ilə bağlı TƏBİB Shimal.News-un sorğusunu cavablandırıb:
"19.12.2025-ci il tarixində saat 13:00 radələrində 1 nəfər (kişi cinsli) Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Pasiyentə açıq kəllə-beyin travması, çiyin nahiyəsinin genişhəcmli açıq yarası, sol gicgah nahiyəsinin kəsilmiş yarası diaqnozu təyin olunub və zəruri tibbi xidmətlər göstərilib.
Vəziyyəti ağır qiymətləndirilən şəxs ixtisaslı tibbi xidmətin göstərilməsi üçün Sabunçu Tibb Mərkəzinə təxliyə olunub".
