Qubanın Qımıl-Qışlaq kəndində əmisini (L. Seyidməmmədov) bıçaqlayan 1999-cu il təvəllüdlü gənc oğlanın (Z. Seyidməmmədov) məhkəmə prosesi başa çatıb.
Teleqraf.az-ın məlumatına görə, hadisənin ailə münaqişəsi zəminində baş verdiyi bildirilir. Araşdırma zamanı müəyyən olunub ki, zərərçəkmiş şəxs sərxoş halda tez-tez ailə üzvləri ilə mübahisə edib və etikadan kənar hərəkətlərə yol verib.
27 yaşlı gənc isə əmisinin bu davranışlarının ailənin nüfuzuna xələl gətirdiyini düşünərək ona çoxsaylı bıçaq zərbələri endirib. Yaralı xəstəxanaya çatdırılıb və həkimlərin müdaxiləsi nəticəsində onun həyatını xilas etmək mümkün olub.
Hadisədən sonra təqsirləndirilən şəxs özünə də xəsarət yetirib. O xəstəxanaya aparılıb və həyatı xilas edilib.
Məhkəmənin hökmü ilə oğlan 7 il 10 ay müddətinə azadlıqdan məhrum edilib.
Qeyd edək ki, o, hərbçi olub və hadisə zamanı məzuniyyətdə imiş.
