Oğuz rayonunda iki mikroavtobus və bir minik avtomobilinin iştirakı ilə yol-nəqliyyat hadisəsi baş verib.
Shimal.News-un məlumatına görə, hadisə Qaraməryəm-İsmayıllı-Şəki magistral yolunun Oğuz rayonunun Sincan kəndi ərazisindən keçən hissəsində qeydə alınıb.
Belə ki, Şəki-Bakı marşrutu üzrə hərəkətdə olan "Vito" markalı mikroavtobus, Oğuz-Filfilli marşrutu ilə hərəkət edən digər mikroavtobus və minik avtomobili ilə toqquşub. Qəza nəticəsində nəqliyyat vasitələrinə maddi ziyan dəyib.
Mikroavtobuslarda sərnişinlərin olmasına baxmayaraq, xəsarət alan olmayıb.
Faktla bağlı araşdırma aparılır.
