Bakı-Quba avtomobil yolunun Hacı Zeynalabdin Tağıyev qəsəbəsindən keçən hissəsində yol-nəqliyyat hadisəsi qeydə alınıb.
Teleqraf.az-ın məlumatına görə, hərəkətdə olan İran vətəndaşına məxsus "Mercedes" markalı yük avtomobili qarşıdan gələn Siyəzən rayon sakininin idarə etdiyi "Shacman" markalı yük maşını ilə toqquşub.
Nəticədə hər iki avtomobilin sürücüsü xəsarət alıb.
Yaralılar hadisə yerinə çağırılan təcili tibbi yardım briqadaları tərəfindən xəstəxanaya çatdırılıblar.
Əraziyə Fövqəladə Hallar Nazirliyinin (FHN) xilasediciləri və polis əməkdaşları cəlb olunub.
Faktla bağlı araşdırma aparılır.
