Oğuzdakı qəza ilə bağlı xəstəxananın MƏLUMATI
24.02.2026-ci il tarixində saat 03:30 radələrində Oğuz rayonunun Bayan kəndi ərazisində baş verən yol-nəqliyyat hadisəsi səbəbilə 3 nəfər (kişi) Oğuz Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Yaralılara başın və bədənin müxtəlif nahiyələrinin açıq yarası, burun qanaxması diaqnozları təyin olunub və zəruri tibbi yardım göstərilib.
Vəziyyətləri orta ağır qiymətləndirilən pasiyentlərin müalicəsi Təcili tibbi yardım şöbəsində davam etdirilir.
***
Qaraməryəm-İsmayıllı-Şəki avtomobil yolunun Oğuz rayonunun Bayan kəndi ərazisindən keçən hissəsində yol-nəqliyyat hadisəsi baş verib.
Shimal.News-un əldə etdiyi məlumata görə, "VAZ-2107" markalı avtomobil idarəetmədən çıxaraq ağaca çırpılıb.
Qəza nəticəsində sürücü, 23 yaşlı Səddam Allahverdiyev, eləcə də sərnişinlər - 24 yaşlı Cəmil Şərifli və 25 yaşlı Okan Həmidli xəsarət alıblar.
Faktla bağlı araşdırma aparılır.
