Bu gün Ermənistan silahlı qüvvələrinin Xocavənd rayonunun Qaradağlı kəndində qətliam törətməsinin 33-cü ili tamam olur.
Shimal.News xatırladır ki, bu kənd erməni işğalçılarına qarşı 4 il qəhrəmanlıqla mübarizə aparıb.
Xankəndidə dislokasiya olunan Rusiyanın 366-cı motoatıcı alayının hərbi texnikasının və canlı qüvvəsinin dəstəyi ilə 1992-ci il fevralın 15-dən başlayaraq azərbaycanlılar yaşayan Qaradağlı kəndinə hücum edilib. İki gün sonra isə kənd işğal edilərək yandırılıb.
Faciə nəticəsində girov götürülən 104 sakin və 14 əsgərdən 80 nəfəri xüsusi amansızlıqla qətlə yetirilib, 6 nəfər itkin düşüb, 9 nəfərin isə şahid ifadələrinə əsasən, əsir götürüldüyü sübut olunub.
Azərbaycanın Şanlı Ordusu 2020-ci ilin payızında apardığı 44 günlük Vətən müharibəsinin 18-ci günündə bu torpağları düşmən tapdağından xilas etdi.
