Xaçmazın Nərəcan kəndindən olan Vətən müharibəsi şəhidi Qürbət Tarverdiyevin doğum günüdür.
1998-ci il mayın 21-də dünyaya gələn Qürbət Rasim oğlu Tarverdiyev 2020-ci ildə başlanan Vətən müharibəsində iştirak edib.
O, müharibə dövründə Goranboy rayonunun Ağcakənd qəsəbəsində hərbi xidmətini davam etdirib.
Qürbət Tarverdiyev Xocavənd və Füzuli istiqamətində gedən ağır döyüşlərdə iştirak edib. 2020-ci il oktyabrın 7-də Füzuli rayonunun Qorqan kəndi uğrunda gedən döyüşlər zamanı yaxınlığında artilleriya mərmisinin partlaması nəticəsində şəhidlik zirvəsinə ucalıb.
Şəhid Qürbət Tarverdiyev ölümündən sonra göstərdiyi şücaətə görə "Füzulinin azad olunmasına görə" və "Vətən uğrunda" medalları ilə təltif olunub.
