Xaçmaz şəhərində piyada keçidinin zolaqları görünməz hala düşüb.
Shimal.News-a danışan sakinlər bildiriblər ki, Rəşid Behbudov küçəsində piyada keçidi nişanı mövcud olsa da, asfalt üzərində çəkilən xətlərin yenilənməsinə ehtiyac var. Əks halda həm piyadalar, həm də sürücülər üçün təhlükəli vəziyyət yarana bilər.
Sakinlərin sözlərinə görə, xüsusilə axşam saatlarında və yağışlı havalarda keçidi seçmək çətinləşir, bu da yol hərəkəti təhlükəsizliyinə risk yaradır.
Onlar aidiyyəti qurumlardan piyada keçidinin yenidən boyanmasını və ərazidə təhlükəsizlik tədbirlərinin gücləndirilməsini xahiş edirlər.
